تحَدّي . وزجل فلسطيني /أسماء نعامنه

تحَدّي . وزجل فلسطيني /أسماء نعامنه

*************

خلّ الرَدّه عآلردّه           وعآلمنبر إبقَ جدّي

لا تحاول تتحَدّاني      بآلشِعِر ما آنت قدي .

بحياتَك إعمل معروف        لا تحمِل قُدُامي دفوف

وتجَعلِك بآلعربي حروف   أو تكسرها بمَهَدِّه.

بظهر وضعك مش تمام   ولا إنت قد آلأقلام

تتشوّه ضادي حرام       بين الكسره وآلشده

ولسانك عَقبالي يلِتّ    وعقلك براسك يشِتّ

كل ما تشوف قبالك سِت     وضعَك يصبح متردّي .

عآلمنبر بين آلشعآر   صوتك مثل كَعر حجار

سيفي عم يقدح شرار    وسيفك من آلله مصدّي .

لا تطلع عآلمنابر          ولا تعمل حالك شاعر

لا تبقى بوجهي حاضر    روح تخبّى عآلسّدّه

لا تبقى بين آلجمهور     تبرم بآلساحه وتدور

ما بتنفع حتى ناطور           ع بوابه منسدّه

بحلمي شفت آلمُتنبي     وقال لي شوفي يا قلبي .

بوصيكي امشي دربي  غلطه وحده    لا تعًًدّي

ياشاعرتنا آلمنصانه     آلعربي بصدرك أمانه

ما عندك كاني ماني        إنتِ بس آللّي نِدّي

رح أسمحلك هالمره          لكن لا تعيد آلكره

أحسن ما تصفّي برّا          لا تاخد ولا تودّي

ما بزعل ياصديقي            لو نَشّفتِلّي ريقي

مجبور امشي طريقي       بتبقى بيننا مَودّه