مرثية بالصديق الأخ الراحل غسان فارس
دروب الآلام/عادل شمالي
אוגוסט 15, 2023حكاية رشفة قهوة/عادل شمالي
אוגוסט 15, 2023
مرثية بالصديق الأخ الراحل غسان فارس
ابن قرية حرفيش الكريمه
رحمة الله عليه
وإنا لله وإنا إليه راجعون
رحل غسان والبسمات غابو
ومات الورد والشمعات دابو
وجعي ع انسان رمز وقار
يخطفو الموت بشهقة عبابو
الموت محتوم والزمن غدار
ورحيل الأصيل ما اقوى عذابو
غسان يلي كان ملهم الشعار
بعلم ونور مشعسع كتابو
حر وكريم والاهل احرار
ابن معروف ما أكتر حبابو
صدق وأمانة وكاتم الأسرار
شجاع وأصيل حسره ع شبابو
عرفناه نجم منور الأقمار
والنور اخلاق من عتبة بوابو
ليش يا موت تغلّط الاقدار
وتسرق حبيب وتيتم صحابو
غسان فارس هالشهم مغوار
الله يرحمه ويقدس ترابو
غسان باقي بالقلب بالدار
اسمه علم مزين عَمحرابو
ومنقوش بالدهب… ع الغار
لانه الاسم بيضل والعمل باقي
كاس غسان ما اطيب شرابو
عادل شمالي
الغجر
مرثية بالصديق الأخ الراحل غسان فارس