لروحك يا غالي/ عادل شمالي

لروحك يا غالي/ عادل شمالي
………..
ليش يا قلب عم تنزف بكي
جف الحبر والفكر بلش حكي
تحيرت شو قول ع غيابك
صمت الحكي عَ مين بدي اشتكي
ربي أمر ولبى ملاك الموت امرو
وقع المصاب ما اصعب امر قدرو
فاجعه كبيرة كتير هزت مشاعرنا
ومتل الصاعقة انتشر هول خبرو
تركني وحيي وعانقني وفل
آلمني البعد وتغيب عن الكل
تيتمنا ويا حسرتي على الفراق
وينك يا غالي يا بلسم وفُل
غاب الجسد عني يا والدي لكن
ببقى لشذا روحك متشوق وحِنْ
راح يضل معنا هواك الأوكسجين
ع غيابك يا روحي الكل عنا جَنْ
صورتك بقلوبنا ما احلاها جمال
وروحك بعقولنا حقيقه مش خيال
راح تبقي دوم يابي اكرم أصيل
اسمك مجد ووحيك إلهام وهلال
ابو عبدو للشرف علم انت عنوان
وصفات الطيب من روحك عنفوان
بتشهدلك الناس يا بي انت الأصيل
برؤية ثاقبة من الخالق الرحمان
كنت النسر والباقي حولك صقور
كنت شهاد النحل من ازكى العطور
ولدت مميز بين كل ابناء البشر
اصطفاكم الله من نوره نور
…….
٢٠٢٠/٦/١١